Moita ledicia este pasado sábado 12 de febreiro na 36º edición dos Premios Goya. Dúas mulleres alzáronse co premio á Mellor Música e Mellor Canción Orixinal. Foron Zeltia Montes e María José Llergo.
Zeltia Montes recollía moi emocionada o premio pola BSO da película “El Buen Patrón”, converténdose na terceira muller que gaña o Goya á Mellor BSO.
No seu discurso reivindicou a importancia das mulleres compositoras: “A historia da música non foi agradecida coas compositoras e non tiveron oportunidade”.
A artista cordobesa María José Llergo recollía o Premio Goya 2022 á Mellor Canción Orixinal por “Te Espera el Mar”, da película “Mediterráneo”. Sobre o escenario dedicou unhas palabras á súa mánager Laura Llamas por confiar nela :”Ti víchesme cando ninguén me vía, criches na miña luz cando nin eu mesma facíao e viches esta cousa que me fai cantar antes de que eu fose consciente de que me podería traer a sitios tan bonitos como este, eu quero que me leves onde a arte e a música queiran, pero que sempre vaia do teu lado”.
Tamén no seu discurso reivindicou a procura de solucións ante a problemática da crise migratoria da que trata a película: “Podemos evitar que o Mediterráneo sexa unha fosa común”.
Descubre aquí como soan a canción e BSO gañadoras dos Goya 2022:
