Allova presenta novo single, “FLYAWAY”

Allova presenta “FLYAWAY”novo single que precede ao seu primeiro longo que verá a luz na primavera de 2021. Das incursións pop e dance dos seus anteriores temas, en “FLYAWAY” regresa aos seus inicios ademais de reafirmarse como artista 360, pois é a mesma Alla a que produce o tema (coa colaboración de Jorge Cromo en Estudios Mans) e dirixe o videoclip que acompaña á canción.

A través de melodías de piano, as emotivas voces que contrarrestan ao groso dos baixos, beats e sons electrónicos, Allova fíxose un nome, polo que é imposible ignoralo. O seu directo potente levou á banda para tocar en numerosos espectáculos en Galicia e Madrid, incluíndo Festival Ribeira Sacra 17, Festival da Luz, Vibra Mahou Fest, Fanzine Fest entre outros, e recibindo o apoio de medios e marcas importantes para dar os directos a nivel nacional.

Queredes escoitalo? Aquí podedes ver o videoclip.