As Lembranzas (o dúo formado polas irmás Merchi e Vanessa Tilve) acaba de presentar o seu álbum debut “Gaëla”, un compendio de trece temas nos que a protagonista é a fusión de sons de raíz celta con sonoridades contemporáneas.
Gravado entre Galicia e Bélxica, o álbum contou coa colaboración de músic@ s de diversas nacionalidades: belgas, italianos, holandeses… entre eles a acordeonista Melanie Tournay e o produtor e compositor Yoni Vidal.
O seu artwork é obra doutra muller, a artista belga de orixe coreana Mi-Na Cecius. Non esperes máis a descubrir como soa “Gaëla”!: