Descúbreas presenta newsletter e informa do seu progreso

Nestes últimos anos puidemos observar certa melloría nos diferentes sectores da asociación en materia de igualdade, pero por desgraza aínda queda moito no que traballar.

Onte, 19 de febreiro, xunto á Deputación de Pontevedra, falamos das novidades de Descúbreas e os novos lanzamentos, pero tamén da importancia da colaboración, da creación de redes e o apoio que nos están dando as profesionais, escolas e artistas. Como ben explicou Carmela Silva, «Na industria musical hai teitos de cristal e solos pegañentos que impiden que as mozas poidan chegar. Non pode haber nada mellor que permitir que as mulleres novas teñan instrumentos para poder dedicarse á música». Isto é o que queremos lograr coa axuda de todas estas mulleres e homes que apoian Descúbreas. 

Xa podes subscribirte á nosa Newsletter para estar ao tanto de todas as novidades semanais e convidámosche a que esteas atenta ás novidades do Mentoring. Se tes entre 16 e 26 anos, neste programa terás a oportunidade de que mulleres profesionais do sector musical te asesoren no teu proxecto musical. Na nosa web, redes e newsletter iremos informando de todas as novidades.