Norah Jones acaba de lanzar “I Dream of Christmas”, un novo álbum de Nadal producido por Leon Michels que inclúe clásicas cancións de Nadal reinterpretadas agora pola artista xunto a tres temas orixinais.
A gañadora de 9 Grammys declarou sobre este novo traballo: “Sempre me encantou a música do Nadal, pero nunca tiven a intención de facer un álbum así ata o de agora. Cando estaba a tratar de pescudar que dirección tomar, as cancións orixinais empezaron a aparecer na miña cabeza. Tratábase de tratar de atopar as alegrías do Nadal, captar esa faísca, ese sentimento de amor e inclusión que anhelaba durante o resto do ano”.
O disco conta coa participación de músic@ s como Brian Blade, Marika Hughes ou Tony Scherr. Non te perdas como soa “Christmas Calling”, un dos temas orixinais da artista
