Catro mulleres da industria musical de Galicia axudaránche a entender como funciona o sector musical e o seu traballo na escea
Descubrir é parte da natureza do ser humano, pero o importante é que nos deixen facelo. Este próximo 20 marzo ás 11:00h, a través da web e o Twitter da Deputación de Pontevedra, descubriremos a catro mulleres do sector musical de Galicia con diferentes traxectorias, diferentes traballos, pero una mesma paixón: a música. Un achegamento aos diversos roles e experiencias que che axudarán a comprobar o gran potencial das mulleres da escena musical e o traballo que hai nesta industria. Ademais, acompañaranos Carmela Silva, a Presidenta da Deputación de Pontevedra. Queres coñecer a estas catro mulleres con nós?
Patricia Hermida, 'manager' e copresidenta do IMMF
Patricia Hermida é licenciada en Dereito Económico-Empresarial, ten un máster en Propiedade Intelectual e é técnica superior de Produción Audiovisual e Espectáculos.
Dende 1995 traballa na industria musical, na que exerceu diferentes roles. Non obstante, na última década o seu traballo centrouse principalmente no seu papel de manager e productora de concertos. Ademais, colaborou no desenvolvemento de carreiras de artistas como Susana Seivane o Heredeiros da Crus, entre otros.
Desde 2019 é copresidenta do International Music Managers Forum (IMMF) e en 2016 axudou a fundar a Asociación de Mujeres da Industria Musical (MIM).
Sabes que é o IMMF? E a asociación MIM?
- O IMMF conecta a artistas e xerentes a nivel mundial para compartir experiencias, oportunidades, información e recursos; é dicir, é unha rede colaborativa para axudarse entre artistas e managers.
- A asociación MIM nace para que homes e mulleres sexan considerados iguais, teñan os mesmos salarios e as mesmas oportunidades e posibilidades na industria musical.
Mariña Paz, alumna de Estudo Bonobo e voz en Furious Monkey House
Mariña Paz é a voz da banda Furious Monkey House e alumna de Estudio Bonobo. Comezou a asistir a clases extraescolares de música no CEIP Barcelos de Pontevedra e continuou aprendendo en Estudio Bonobo.
Para ela, cantar é unha forma de expresar sentimentos, soños, pensamentos, pero tamén unha forma de divertirse. Apaixónalle a música en directo e encantaríalle telonear a Tyler the Creator ou Slowthai.
Ademais de cantar e tocar varios instrumentos, Mariña formouse en Producción Musical en Estudio Bonobo.
Raquel Seijo, directora e promotora en Sweet Nocturna
Raquel Seijo leva máis de 16 anos á fronte da súa promotora, Sweet Nocturna. Estudou xornalismo, pero dedícase profesionalmente á realización de eventos musicais por toda Galicia con artistas nacionais e internaciones como Artic Monkeys, Lauryn Hill ou Bjork, entre moitos outros.
Comezou na música traballando en diversas empresas que organizaban festivais e concertos. Aos poucos aprendeu como funcionaba o sector da música e actualmente ten a súa propia promotora. Non só organiza concertos, senón tamén festivais, como o Festival Underfest, en Vigo, e o Ciclo Galicia Importa. Ademais, é membro da Asociación de Promotores Musicais (APM) e é a Presidenta da asociación de Festivais de Galicia.
Que é a APM? E Festivais de Galicia?
- A Asociación de Promotores Musicales (APM) é a principal representante da industria da música ao vivo en España. As súas socias e socios constitúen o 80% dos promotores privados do país; ademáis, encárganse das principais xiras a nivel nacional e internacional.
- Festivais de Galicia é un proxecto colaborativo que busca promover e poñer en valor o sector musical e os festivais galegos; profesionalizar e aumentar tanto a oferta como a calidade e sostenibilidade dos festivais son parte dos seus obxetivos.
Susana Saavedra, voz de Agoraphobia
Susana Saavedra é a voz de Agoraphobia, unha banda que naceu cando ela tiña 16 anos; formada íntegramente por mulleres e que xa se converteu nunha das bandas máis recoñecidas de Galicia.
Ademais da súa carreira como integrante de Agoraphobia, Susana é profesora na academia Pops School de Ribeira e realiza labores de producción e comunicación dentro da industria musical.
Datos do evento:
- Lugar: sede de Vigo de la Diputación de Pontevedra.
- Día e hora: 20 de marzo, ás 11:00h.
- Streaming: retransmisión en directo a través de depo.gal e do Twitter da Deputación de Pontevedra.
Queres facerlles unha pregunta?
Sabemos que moitas de vós tedes dúbidas, por iso propoñémosvos que nolas enviedes ao noso correo (info@descubreas.com), as nosas redes sociais ou a través do formulario de contacto.
