É licenciada en Ciencias Políticas, pero desde hai uns anos meteuse de cheo na industria cultural, e sobre todo no ámbito musical. En 2013 funda o grupo BALA xunto a Violeta Mosquera. Con este proxecto viaxaron por lugares como Australia, Xapón, EEUU, Colombia ou diversos países de Europa. Fora de Bala as súas especialidades son a Comunicación e a Produción.
A súa experiencia laboral na Industria comeza en 2013, cando empeza a traballar para a promotora compostelá Work on Sunday e o seu proxecto o WOS Festival. Despois pasaría tamén pola discográfica Matapadre e outros proxectos e eventos como I Wanna Management ou Curtocircuíto IFF.
