“Diluvio”, o novo disco de Tanxugueiras, está a piques de publicarse e o trío de cantareiras acaba de lanzar o teaser do último adianto do álbum: “Fame de Odio”, para sorpresa das súas seguidoras e seguidores.
O tema está producido como de costume por Iago Pico en Pouland Studios e estrearase este venres 29 de xullo. O clip foi rodado nun “lugar espectacular de Compostela” e estará cheo de simboloxía e caras coñecidas.
Mentres esperamos a descubrilo por completo, non perdas o teaser!
