Este próximo 11 de marzo remata o prazo de inscrición ao II Programa de Mentoring de Descúbreas
Conta atrás para inscribirte no II Programa de Mentoring de Descúbreas da Deputación de Pontevedra. O próximo 11 de marzo remata o prazo para poder optar a ser unha das 8 rapazas mentorizadas desta nova edición.
O programa de mentoring de Descúbreas ofrecerá ás oito mozas seleccionadas acompañamento e impulso nos seus primeiros pasos na industria musical a través de sesións de mentoría con diversas mulleres referentes na industria musical, a gravación dunha canción nun estudio profesional e a realización dun videoclip.
Os dereitos de autor, o proceso creativo, a organización de grandes eventos, os concertos en directo ou a imaxe e marca persoal serán algunhas das materias sobre as que versarán as mentorías.
Cales son os requisitos para inscribirme?
Se tes entre 16 e 30 anos, resides na Provincia de Pontevedra e creaches ao menos unha canción, podes inscribirte no II Programa de Mentoring de Descubreas. Consulta as bases completas premendo no botón:
Onde podo inscribirme?
Podes formalizar a túa inscrición a través da web da Deputación de Pontevedra. Preme no botón para acceder a ela:
Asi foi a I Edición do Mentoring de Descúbreas
O pasado 2021 arrancou a Primeira Edición do Programa de Mentoring de Descúbreas. Ali, Law, Eva, Xia, Inés, Sara, María e Aroa foron as 8 mozas elexidas que tiveron a oportunidade de dar os seus primeiros pasos na industria musical da man de mentoras como Patricia Hermida, Raquel Seijo, Andy González o Wöyza. Descubre como foi o proceso, a gravación dos seus singles e videoclips e as súas impresións no video resumo da I Edición.
E se queres botarlle un ollo aos seus videoclips, visita a nosa páxina de mentoring para non perder detalle: