Andrea Porto Mato (baixo) ,Estela Rodríguez Carvalho (violín), Inés Mirás (guitarras), Marcela Porto (percusión) e Xiana Lastra (voz) integran A Banda da Loba. Estas cinco mulleres decidiron unir as súas traxectorias individuais para dar voz a este novo proxecto. A Banda da Loba destaca pola creación dun repertorio propio baseado tanto en letras da súa autoría como en musicalizacións de poetas célebres ou outros textos tomados dos poemarios de escritoras contemporáneas como Rosalía Fernández Rial ou Celia Parra. Todo isto, baixo un estilo ecléctico e heteroxéneo que bebe do rock, do pop, do folk… e fai do seu repertorio un fantástico caleidoscopio musical.
A súa discografía actual componse de Bailando as Rúas e Fábrica de Luz.
