A artista coruñesa Alejandra Pais comezou a cantar con tan só 8 anos, subíndose ós escenarios con diferentes dúos e grupos musicais como a “Coral Polifónica El Eco”, “Bolero” ou “Acuna’s Quartet”, entre outros. Con 19 anos iniciouse no mundo das orquestras e empezou a traballar como cantante para diferentes orquestras de Galicia como “Ceniza”, “New York” ou “Fania Blanco Show”. Actualmente compaxina a súa carreira en solitario coas súas actuacións na orquestra “Os Satélites”.
Estudou canto clásico e lírico na “Escola Municipal de Música” de A Coruña e a continuación jazz e música moderna con José Antonio Acuña, participando coa Escola Municipal nos “Concertos Didácticos” do “Palacio da Ópera” de A Coruña. Os seus referentes musicais son tan variados como Dulce Pontes, Beyoncé, Marta Sánchez, Bruno Mars ou Luis Miguel.
Alejandra participou en varios programas de televisión como “La Batalla de los Coros” (2009), “Uno de los nuestros” (2023) e o programa “A liga dos cantantes extraordinarios” da Televisión de Galicia, alzándose como gañadora da primeira tempada en 2019.
Ó longo da súa carreira en solitario publica varios singles nos que colabora con diferentes artistas, como o compositor Samuel Bugia ou o dj “Federato”, e graba en Miami con Luis Papo Márquez, gañador dun “Grammy Latino”. Ademáis no 2009 actúa de abreconcertos de Andrés Suarez en Padrón. Na actualidade, segue grabando temas e xa podedes gozar do seu último lanzamento “Esta es mi voz”.
