ALLOVA é un proxecto vangardista de música Indie-Electrónica con toques de Trip- Hop, creado entre Madrid e A Coruña e liderado por Alla Mikhaylova.
A música de ALLOVA crea profundos ambientes sonoros coa hipnótica voz, as potentes bases electrónicas, o piano e outros instrumentos acústicos. Cancións ricas en matices, con ritmo e forza, que manteñen ao espectador no estado de goce da súa música.
A cantante, pianista e compositora, Alla Mikhaylova, comezou a súa vida como música no seu país natal, Rusia, onde estudou durante 10 anos música clásica. Ao chegar a España en 2009 especialízase en música moderna e jazz na Escola de Música Creativa de Madrid, á vez de estudar a produción musical. Sempre tendo interese pola música electrónica.
