Distinguida como Top 100 Muller líder de España na categoría de Cultura, entre as 5 mulleres máis novas, a pianista e directora musical galega Andrea González (Tui, 1987), é vicepresidenta da Xuventude Musical de España e directora do Festival Internacional de Teclados e Masterclass da Eurociudad Tui-Valença. Premiada en numerosos concursos nacionais e internacionais de piano, realizou concertos en Cuba, Australia, Reino Unido, Italia, Portugal e España, onde tamén realiza clases maxistrais, conferencias e xurados de competición.
A súa formación en xestión musical na Academia do Teatro alla Scala de Milán e na Universidade de Westminster en Londres contou co apoio das fundacións galegas Pedro Barrié de la Maza e Segundo Gil Dávila. Así mesmo, é presidenta de Xuventudes Musicais Eixo Atlántico e promove numerosos proxectos culturais en Galicia, destacando a dirección do festival Camiños Sonoros – Xacobeo 2021, a dirección do conxunto Taller Atlántico Contemporáneo e a dirección técnica da Orquestra Vigo 430. Colabora mensualmente El Estudio de Andrea en la Revista Ritmo e con Radio Voz. En 2021, Andrea gravará as composicións do galego Rosendo Salvado para Warner Music co apoio da Axencia Galega das Industrias Culturais. Artistas como Agartha Ruiz de la Prada, Rosendo Mercado e Ainhoa Arteta colaboran nos seus proxectos. É un referente de executivos de Galicia e premio Nélida Piñón pola Federación Pola Igualdade da Provincia de Pontevedra.
