Samudra Trío acaba de anunciar a publicación do seu disco debut “Odisea”, gravado por Brais González. O álbum, que percorre os ritmos de América, Europa e Asia e sonoridades de diversas culturas, estará dispoñible tanto en formato físico coma dixital.
O trío formado por Laura, Jimena e Yamini naceu en 2019 coa intención de crear un estilo propio dentro da música de cámara, e acaba de ser recentemente nominado aos Premio Martín Códax na categoría “Música Clásica e Contemporánea” xunto a Katerina Linke e Fernando Abreu.