O dúo formado por Sabela Caamaño e Antía Ameixeiras colabora en dous temas da banda sonora da curta “O neno sardiña”, dirixida por Lucía Estévez.
A banda sonora orixinal, que correu a cargo de Mario G. Cortizo, xa está dispoñible en tódalas plataformas dixitais e a curtametraxe tivo a súa estrea mundial no pasado “Festival Internacional de Cine de Xixón”.
Na canción “Lonxe dos mares”, a música alterna intervencións do dúo Caamaño & Ameixeiras (acordeón e violín) con quinteto de vento e percusión. O deseño de son deste tema é de “La Panificadora Estudios”.
