Imaxinádevos sacar un disco e vender millóns de copias. Agora imaxina que os teus medios de comunicación favoritos da música te chaman “tola” e din da túa música que é “nefasta”, que “non serve para nada”.
Agora deixa de imaxinar xa que iso pasou na industria musical da década dos noventa e moitos deses estereotipos seguen hoxe en día. Pode ser unha das razóns polas que menos mulleres pisan os escenarios?
Xorden outras preguntas: realmente estaban “tolas” ou había algo máis? Tan mala era a música destas artistas a pesar de vender millóns de discos? Que podemos aprender hoxe en día?
Ana Marcos dános respostas a algunhas preguntas e fainos reflexionar noutras que quedan no aire no artigo de El País – El maltrato a las mujeres del rock en los noventa: los locos eran ellos. A periodista fai referencia ao libro de Minna Salami El otro lado de la montaña nas que di unhas palabras moi interesantes: “o ‘establishment’ cultural ridiculiza ás mulleres artistas que cuestionan as desigualdades sistémicas”. Volvemos preguntarnos: Serán as “tolas” que din ser ou había máis intereses detrás?
Convidámosvos a ler o artigo completo e, ademais, deixámosvos a ligazón directa á playlist creada por Ana Marcos para este artigo. Así gozaredes desta marabillosa música “nefasta”.
