Xa podemos descubrir ao completo “Eido”, o novo tema de Sheila Patricia xunto a Gabi Reboredo cuxo lanzamento anunciaba a artista hai algúns días.
“Eido” está producido por Sheila Patricia xunto a Agustín Sánchez, e fusiona a sonoridade tradicional galega con elementos da percusión africana.
O seu elegante videoclip foi creado por Aitor Ramos Soto, e mostra a ambos os artistas interpretando e bailando o tema no que parece ser un sombrío alpendre.
O tema, que formará parte do novo disco de Sheila Patricia, foi definido como “Unha reivindicación do propio e tamén un cuestionamento; unha alegoría ao amor a un patrimonio inmaterial que é de todas e de ninguén ao mesmo tempo, representado nun lugar pechado case claustrofóbico, nun alpendre que evoca directamente á propiedade.”
Descúbreo xa!
