A compositora e artista galega Angeles Dorrio acaba de estrear “Terra de Muller”, primeiro adianto do que será o seu novo traballo “Selegna”, que poderemos descubrir ao completo o próximo 1 de decembro.
Será un EP de catro temas e lanzarase tanto en formato dixital como físico. “Terra de Muller” é un tema con toques jazz, swing e soul que foi gravado, mesturado e masterizado en Disquesi Estudo por Ruben Montes con Pablo Añón ao saxo e a frauta, Carmen Rey aos teclados, Fernando Fraga nas guitarras, Antón Torroncho no baixo eléctrico, Diego Puga na batería, Olga Kirk na pandeireta e o aturuxo e Sisters in The House nos coros.
O seu elegante videoclip está dirixido por Pablo Goluboff e conta cunha coreografía de Alba L. Figueredo que xa podes descubrir aquí:
