Este pasado sábado 12 de novembro celebrouse no Náutico de San Vicente do Grove o acto de clausura do Programa de Residencias Artísticas da Deputación de Pontevedra Depocrea, no que @s seis artistas seleccionad@s expoñeron os avances das pezas que crearon durante os intensos 15 días da residencia.
Pablo Barreiro, Macarena Montesinos, Diego Vites, Carla Andrade, Yolanda Ríos e Olmo Blanco amosaron ao público os avances de obras que abarcan dende a pintura ata a fotografía pasando pola composición musical ou as artes plásticas.
Durante o acto, a Deputada de Cultura, Vitoria Alonso, puxo en valor o programa: “Con este programa quixemos apoiar ás e aos creadores e creadoras e incentivar a innovación para propiciar proxectos con olladas diferentes, que permitan desestacionalizar lugares turísticos cunha poboación local permanente máis escasa e que recollan e actualicen a memoria cultural, social, etnográfica e histórica da provincia, co fin de manter vivo o noso patrimonio intanxible”.
O acto contou coas actuacións en directo de tres das rapazas mentorizadas da II Edición de Descúbreas: Ane Swan, Caro e Sara Casas, quenes interpretaron os temas que produciron durante o programa de mentoring, ademáis de versións moi persoais doutras cancións de estilos tan variados coma o bolero ou o pop.
Moi pronto publicaremos o video resumo do evento. Estate atenta á nosa web e redes sociais!
