Ane Swan

Con 16 anos, Ane Swan é a artista máis nova da II edición de Descúbreas Mentoring. Natural de Cangas do Morrazo, estudou música e canto na escola municipal da súa cidade, no conservatorio e na Escola As Lembranzas.
 
A súa carreira musical iníciase cun primeiro single gravado e producido no marco do Programa Descúbreas da Deputación de Pontevedra.
 
Cun estilo americano marcado pola influencia de artistas como Ariana Grande, Taylor Swift e Dove Cameron e unha mestura pop-rock, “Queen among shadows” o seu primeiro single, é unha canción de empoderamento que reúne os elementos necesarios para aumentar a confianza nunha mesma.
 
Ane Swan convídanos a escoitala e a deixarse levar pola súa música.
 
 

Descúbreas Mentoring

Descúbreas mentoring é unha das accións máis importantes do programa Descúbreas que ten como obxectivo o fomento do talento feminino na música. Na súa primeira edición, oito mozas da provincia de Pontevedra foron elixidas por un xurado de profesionais da música para formar parte deste programa de  mentoría. En Descúbreas Mentoring leváronse a cabo varios procesos para acompañar ás mozas nos seus primeiros pasos no sector da música. As  mentorías versaron sobre industria musical, dereitos de autor, o proceso creativoorganización de grandes eventos, os concertos en directo ou a imaxe e marca persoal, entre outros temas. Para iso, contamos coa participación das mentoras Patricia HermidaRaquel Seijo,  Wöyza e Andy González. Ademais, as mozas puideron coñecer como se realiza a produción dun  videoclip, foron autoras do guión e traballaron de forma estreita co equipo audiovisual para conseguir o  videoclip desexado. Por outra banda, coñeceron as reviravoltas da gravación en estudo co equipo de Regalamúsica, que conta con ampla experiencia no ámbito da produción de música e na xestión editorial.