caro lemos publica despiértate con Descúbreas mentoring

‘Despiértate’, a canción debut de Caro

Caro lanza o seu single debut ‘Despiértate’ no marco do programa Descúbreas Mentoring. A nova artista, de tan só 17 anos, participou nesta iniciativa promovida pola Deputación de Pontevedra. A canción pódese escoitar en todas as plataformas de streaming e tamén conta cun videoclip.
 
Caro é o proxecto persoal de Carolina Vázquez Lemos co que presenta as súas prometedoras composicións asentadas sobre a calidez dunha voz que nos lembra a artistas do calado de Lina (da banda Morgan), Billie Eilish ou Olivia Rodrigo. “Despiértate”, o seu single de lanzamento, convértese nunha clara mostra da súa versatilidade compositiva e, sobre todo, da dimensión que alcanza o seu máis propio e persoal instrumento: a voz. Nel trata as inseguridades dunha adolescente ante a formulación do seu futuro máis inmediato: se seguir os seus soños, ou ben ir a polo que chaman “o seguro”.

Caro é criada nun ambiente musical no que asistir a ensaios e concertos era algo habitual; no que a presenza e práctica de instrumentos musicais sempre se viviu como un xogo máis no que atopar diversión. Sobe por primeira vez a un escenario ante uns cuantos centos de  persoas con apenas 11 anos. A súa primeira composición é reproducida en bucle durante toda unha xornada no seu instituto ao escribir, con 13 anos, unha
canción en conmemoración ao “día contra a violencia machista”.

Xa en 2020 a súa presenza no proxecto “Escola de Rock” impulsado desde Paredes de Coura, sede do prestixioso festival do noso país veciño, Portugal, convértese nunha plataforma onde Caro a partir dese ano en diante adquire peso escénico e versatilidade vocal. Os shows percorren diversas localidades de Galicia e Portugal.

A madurez vocal que adquire lévana a ser requirida para gravar coros en proxectos de bandas de rock xunto a cantantes de referencia en Galicia como Lara Rodríguez (Broken Peach) ou Diana Tarín.

O seu proxecto artístico persoal adquire unha dimensión máis seria ao ser escollida como unha das máis novas artistas do programa “Descúbreas” da Deputación de Pontevedra, dentro do cal se materializará o lanzamento do seu primeiro single “Despiértate”.

Más artículos sobre...
Consultas en línea industria musical
Industria musical
Consultas en línea hazlo tú misma
Hazlo tú misma
Categoria miscelánea
Miscelánea