Spotify lanza o programa de música de ‘Equal’ para fomentar a igualdade de xénero na música. A plataforma explicou que “só una de cada cinco artistas das listas de éxitos son mulleres, o que contrasta coa influencia das mulleres no éxito actual en Spotify e na industria musical en xeral”.
Este novo programa incluirá playlists por países para reflectir os 35 mercados repartidos en 50 países, entre eles España. Neste caso a protagonista será Rozalén, pero estará acompañada na playlist por artistas como Babi ou a Mala Rodríguez. Ademais, poderemos atopar unha playlist que terá 40 cancións escritas, producidas e interpretadas por mulleres de todo o mundo.
Por outra banda, Spotify a fundou “Equal Board”, unha rede de organizacións que uniron forzas para empoderar ás mulleres de todo o mundo. Nesta serie de asociacións que traballan xunto á plataforma atópase MIM (Mujeres da Industria Musical).
Por último, a asociación SoundGirls e Spotify crearon o Directorio “Equal”. Neste directorio as artistas poden crear un perfil e reclamar o seu espazo na comunidade xunto ás demais compañeiras. Tamén será de utilidade para atopar artistas para xiras, eventos, proxectos, etc.
