O Conservatorio Superior de Música de Vigo (CSMV) lanzou xa a convocatoria de Produción e Xestión De Música e Artes Escénicas, un título oficial e recoñecido dentro do Espacio Europeo de Educación Superior e equivalente a título universitario de grao.
Os Open Days comezan o 17 de abril coas presentacións nos conservatorios e centros que o soliciten, continuarán o 8 de maio coa presentación telemática e haberá un simulacro de probas de acceso ao grao o día 11 de maio. As probas de acceso celebraranse entre os días 12 e 15 de xuño.
Para asistir aos Open Days deberás enviar un mail a produc_xestion@csmvigo.com
O obxectivo do grao é formar a profesionais da industria musical, e a metodoloxía de aprendizaxe está plantexada como activa multidisciplinar. Así, o alumnado participará na organización de actividades como a Semana da Produción e Xestión, o Festival Música Nas Ondas, visitas a foros sobre industria musical e prácticas.
O profesorado do grao está constituido por profesionais e músic@s de ampla e exitosa traxectoria, como o guitarrista e compositor Oswaldo Costal Oro, a clarinetista, produtora e xestora de música e artes escénicas María Fernández Trillo e a pianista e xestora cultural Andrea González.
No plan de estudios atoparás disciplinas como tecnoloxía musical, comunicación, promoción e representación ou formación instrumental.
As saídas profesionais do grao abranguen un amplo espectro da industria musical, como xestoras culturais, directoras artísticas, produtoras musicais ou project managers.
Ademáis, o alumnado poderá acceder ao plan de prácticas do grao, que ten convenios con entidades públicas e privadas como a Orquesta Sinfónica de Galicia, Esmerarte ou o Festival IKFEM.
Accede a toda a información do grao premendo no botón: