Sweet California acaba de lanzar “Bet On Me”, o segundo avance do seu novo disco de estudo, que verá a luz nos próximos meses.

Detrás da produción do tema, de corte dance pop, está nada menos que Jakke Erixon, produtor de artistas como Lady Gaga ou Tiësto. O seu orixinal videoclip, dirixido por Mario Ruiz, xoga coa metáfora da morte para falar da saúde mental: “Dábanos pé a unha temática que nos apetecía moito tocar: a saúde mental. A importancia de normalizar iso e como maquillamos nas redes sociais isto”.

Ao mesmo tempo, o vídeo expresa o final dunha etapa na girlband e o comezo doutra musicalmente máis madura. Non o perdas!