Chanel deu finalmente a sorpresa e foi proclamada vencedora da final do Benidorm Fest celebrada esta noite no Palau D’ Esports L’ Illa, nunha emocionante gala onde a maxia de Tanxugueiras inundounos cunha impoñente posta en escena. Olaia Maneiro, Aida Tarrío e Sabela Maneiro tiñan a Galicia envorcada e ilusionada coa súa participación na final, e non era para menos. Tras a súa actuación, as redes sociais desfacíanse en afagos cara ao trío galego, e é que “Terra” soou con máis forza e poderío que nunca. Parabén mozas!
As votacións do xurado inclináronse cara Chanel, a quen outorgou a máxima puntuación (51 puntos). Con todo, Tanxugueiras lograron a máxima puntuación tanto no voto demoscópico (30 puntos) coma no televoto do público. A suma das 3 votacións provocou como resultado o primeiro posto de Chanel.
Rigoberta Bandini quedou en segunda posición, e soamente a un punto de distancia, Tanxugueiras.
Podes volver sentir a emoción da actuación das galegas na final do Benidom Fest visitando a web de RTVE ou facendo click neste botón:
Desde Descúbreas dámosvos o parabén mozas, por representarnos con tanta maxia, forza e valentía.
